Жасыбай көлінің орталық жағажайы жаңаша келбетке ие болмақ!
Жасыбай көлінің орталық жағажайында заманауи талаптарға сай ауқымды жаңғырту жұмыстары жүргізілуде.
Осы айдың соңына дейін демалушылар үшін:
☀️ 65 күнқағар қалқа;
⛺ 3 үлкен көлеңкелі шатыр;
🛏️ 400-ден астам жатын орындық;
🚑 3 құтқару мұнарасы орнатылады.
Сондай-ақ кеспетас пен террасалық тақтайдан жаяу жүргіншілер жолдары төселіп, душ кабиналары, санитарлық тораптар және киім ауыстыратын орындар пайдалануға беріледі.
🏖️ Жобаны толық аяқтау шілде айының ортасына жоспарланған. Осы уақытқа дейін жағажай аумағында медпункт, полиция және құтқарушылар бекеттері, футбол мен волейбол алаңдары, сондай-ақ балаларға арналған ойын аймағы жабдықталады.
Жаңарған жағажай тұрғындар мен туристерге жайлы әрі қауіпсіз демалыс сыйлайды!
